الزواج عبر العصور


الزواج في العصور المختلفة
مصر الفرعونية
بابا أنا عاوز اتجوز أختى حات حور
خلاص يا ابنى خليها تنقل حاجتها فى أوضتك
وابقى هات حجرين صوان هدية... مبروك يا تاح

مصر فى عصر الرومان
تتجوزينى يا افروديت
اتجوزك يا باسيلوس
يالا بينا نبنى كوخ على البحر ونعيش هناك
مصر بعد الفتح الأسلامى
ولدى خالد يا شيخ احمد بدو يتجوز بنتك البكر الكريمة
وبيبنى خيمة ويقدم مهر بعير
والله خالد ولد زين وهيكون زوج صالح لبنتى ...اقيموا الافراح

مصر 1919
انت ح تتجوز بنت الحاج عبد الجليل انا كلمته خلاص
وضب قوضتك وهات خلخال فرحك يوم الخميس
طب مش اشوفها الأول يا بابا
انت اتجننت يا ولد انت هتتجوز ولا تخبص
مصر 1960
بقى يا ستى بنتك جالها عريس
يا ألف نهار ابيض ألف مبروك
جدع ابن حلال موظف حكومة فى الحقانية
وماهيته مش بطالة اهو يبنوا حياتهم سوا
والا إيه رائيك يا أم العروسة
والله العيال هيعجزونا يا أبو محمد
فشر ..تدبل الوردة وريحتها فسها يا نرجوستى

مصر 2006
البنت: بابا ريكو هيجي يقابلك بكره عاوز يتجوزنى
من فضلك متتكلمش معاده فى ماديات أنا بشتري راجل
أنا اتفقت معاه على كل حاجة وهو هيجي بس عشان يعزمك على الفرح انت ومامى
الأب : ألف مبروك يا حياتى

هناك 10 تعليقات:

جارة القمر يقول...

هههههههههههههههههه

حلو كتير

بس احنا بنبالغ شوية

عمر البنت ماحتصل للدرجة دي بتفكيرها

ريكو وبسكوتة مين


زرعت هنا ابتسامة

شكرا لك

مودتي

sa3at يقول...

ههههههههههههههههههههههههههههههههههه

حلوة جدااااااااااااااااااااااا

تحفة بجد

ميرسي ياباش مهندس بجد ضحكتني جداااا

ههههههههههههه

كتكوته يقول...

كتابتك دمها خفيف اوي
وعبرت بصوره جميله عن اختلاف العصور وطريقه التعامل فيها

عاشقة الأحزان يقول...

السلام عليكم

احم احم
انا جيييييت وسعوا الطريق

بجد وحشتنى موووووووووووووت
اخبارك ايه يارب تكون بالف صجه وخير

طبعآ اشكرك من كل قلبى على سؤالك عنى ويارب يديم الود والتواصل بينا الى الابد

جميل قووى البوست بجد تسلم ايديك

تحياتى
انوسه

ديالا يقول...

م_محمد

بجد بوست هايل

ومرسيه اوي انك قدرت تزرع الابتسامه فيا بالبوست ده

ربنا يكرمك ويوفقك

ياريت تشيل خاصيه الحروف السريه من التعليقات

yoyo يقول...

صباحك سكر

و الله كل زمن وله احكامه و تقاليده

بس مهما اختلف الزمن اجمل مافى البنت حيائها و خجلها فى اللحظات دى
مش اوى كدا يعنى البنت ناقص تتجوز و تخلص الليلة كلها و تجى تقولهم انا اتجوزت ودا العريس
ههههههههههههه

ربنا يستر علينا بقى

تسلم ايدك
تحياتى
يويو

انت تسال والكمبيوتر يجيب يقول...

قلب ابيض
بالصدفهنناقش موضوع من هو العريس اللقطه فى هذا الزمان فى مدونةبرنامجنا الأذاعى من أذاعة مصر الرئيسيه...وتدوينتك تصلح تعليقا على موضوعنا ولذلك نوجه لك هذه الدعوه

ندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.

التفاصيل فى
المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

haninalnada يقول...

موضوع دمه خفيف وجديد فى فكرته
المدونة كمان جميلة ومتميزة
بالتوفيق

عاشقة الأحزان يقول...

بخخخخخخخخخخ

انا جيت

انت فين بقا
ممكن اعرف

عاشقة الأحزان يقول...

كل سنه وانت طيب
عيد سعيد عليك وعلى الامة الاسلاميه جمعاء
واريت بجد طمنى عليك لانى قلقانه ليه الغيبه دى كلها

معلهش لو كنت اتاخرت عليق
لانى كنت قفلت المدونه فطرة وظبطها وعملت لوك جديد يارب يعجبك

المهم
منتظره منك انك طمنى عليك

سلام ياقمر
ايناس