قربة مقطوعة

انا بشكر كل اللى زاروا المدونة فى الفترة اللى فاتت وانا مردتش عليهم بس
والله غصب عنى الميد ترم باقى عليه اسبوعين يعنى يادوب الواحد يلم نفسه
فى المواد ادعوا لي.........
واتمنى ان البوست الجديد يعجبكوا

أنا شاعر.. كتبـــت رْصــاص
وغنّيـت غِنـوَة ممنـــــوعــه
ناديت ع الناس عشان يصحوا
وتبقـى راسنـا مــرفــوعـــه
و قلت بلاش تقولوا سـلام!
هاتـــــولْنـا حِجّـة مبلـوعـه

و قـــاومـوا الظـلـم بـإيـديـكــم
دي برضه مقاومة مشروعـه
هتـدّوا إسرائيـــل لُـقـمـه
هتفضـل برضـه مفجوعـه
صرخت كتييييييير بصوت عالي
و كانت صرخـة موجوعـه

و في الآخر... لقيت إنـى...
نفخت ف قِربة... مقطوعه

هناك 12 تعليقًا:

(Joudy) يقول...

ربنا يوفقك ويعديلك سنين الدراسة على خير

البوست حلو جميل بجد وحقيقى صوتك وصل ويارب يوصل لباقى الناس علشان تفهم .

دمت بكل الخير والسعادة

حياه بلا عنوان يقول...

السلام عليكم ورحمه الله وبركاته
سورى يامحمد على الغياب الفتره اللى فاتت وربنا يوفقك يارب والسنه تعديها على خير يارب وتقدير كويس
طبعا البوست جميل وده الطبيعى بتاعك
منتظرين المزيد
تحياتى

الأحــــــ إيناس ــــــزان يقول...

السلام عليكم

ازيك يامحمد اخبارك ايةةة
يارب تكون بخير

الأحــــــ إيناس ــــــزان يقول...

ربنا معاك ويكون بعونك بدعيلك من كل قلبى ربنا يسعدك يارب ومعلهش هى دى ظروف الدراسه اتحمل هانت بقا

ربنا معاك ان شاء الله

الأحــــــ إيناس ــــــزان يقول...

حروفك اشرقت مع الصباح على شكل نخلة باسقة
تنثر لنا ثمار حروفها العذبة التى مزجت بنسائم شوق الجذور الى الأرض
وشوق الورد لنور الشمس ارى كلماتك سلة أزهارعطره فادام الله لنا نزف قلمك اخي محمد
ربنا يكرمك ويكون رسالتك وصلت للناس التانية
تحياتى

الأحــــــ إيناس ــــــزان يقول...

ابقا طمنى عليك

مي يقول...

ناديت ع الناس عشان يصحواوتبقـى راسنـا مــرفــوعـــهو قلت بلاش تقولوا سـلام!هاتـــــولْنـا حِجّـة مبلـوعـه

رائئئئئئئئئئئئع بجد كلماتك جميلة جدااااااااااااا وفعلا كله صح حجة مبلوعة
ربنا يوفقك فى دراستك ويكرمك ومتغبش عنا

ليس فقيرا من يحب يقول...

جميله بجد يا هندسه

انت جبت المفيد

و في الآخرلقيت إنـى

نفخت ف قِربة مقطوعه

ربنا معاك ويوفقك يارب

تحياتى

كرسي أعتراف يقول...

أبدعت حقا
يالها من خاطرة رائعة

همس الاحساس يقول...

معلشى اسفه يا محمد على غيابى
لكن انت عارفه الدراسه ومجربها معايا بالزقازيق
بسى انا زعلانه منك
ايه الكلام الى سمعته ده خلى عندك امل
ومتسبشى المدونه
لانك بجد مبدع

إبتسامة ملاك يقول...

لية القرار دا

ياريت ترجع تانى
وحشتنا اوووووووووووووووووووووووووى

همس الاحساس يقول...

ربنا معاك بالامتحانات
عاوزين امتياز وتشرفنا كده
وبجد مستنينك ومستنين جديد
لانك بجد والله مووووووووووهوب وانا بشهد
رغم انى مش حد مهم فى الدوله بسى يكفينى انك عجبنى البوستات بجد رائعه