عودة صلاح الدين

معجزة

في القرآن

ربّك قال للناس: "ادعوني
"
علشان هوا كريم وبيِدّي
وف رمضان الناس بتصلّي

تملا الجامع في التراويح

وإْمامهم يدعي ويعيّط

واللي وراه بيقولوا: "آمين
"
عارفين كانوا بيدعوا بإيه؟
كانوا كل صلاه بيقولوا
:
"
يا الله
رجّع لينا صلاح الدين... يا الله

دا احنا بشوق مستنيّين ..يا الله

لو جالنا هنقوم واقفين ..يا الله

نمشى وراه ونكون طايعين ..يا الله

و نحرّر أرض فلسطين ..يا الله

بس ييجيلْنا صلاح الدين ..يا الله

++++++++
ربك دايماً.. ربّ قلوب

بيحبّ العبد اللي بيطلب

وامّا لقى الملايين بيقولوا

رجّع لينا صلاح الدين

سبحانُه.. حقّق رغبتهم

ولقينا الأرض بتنشقّ
...!!!
قُدرة ربّك
مين هيكدّب ويقول: "لأ"؟
!
ولقينا فارس من نور
وحصانه بيجري ويْدُور

وف إيده السيف المتعافي استعجِبنا!.

وسألناه: "انت اسمك إيه؟!"
قال بالفُصحى:
"
أنا يا قومِ صلاحُ الدينْ
قد أحياني اللهُ القادرُ حين دعوتم

أنْ يبعثَني اللهُ إليكم ها أنا ذا

قد جئتُ إليكم

لكنْ نُبّئتُ بأخبارٍ عنكم سيّئةٍ للغاية

كيف رضيتم أن يُنتهَك الأقصى فيكم؟
!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ

فتنازلتم أنتم عنه... للأنجاسْ
!!
لكن... لا بأسَ... فقد عُدْتُ
وسنُرجِعُ جيشَ الإسلام

جيشٌ سوف يقودُ العالَم .أنتم.. جُنده
..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟
"
++++++++
كل الناس كانت ف ذهول م اللي بيحصل
واحد فيهم اتقدّم لصلاح الدين

قال: "اسمحلي

إنت صلاح الدين وانا عارف لكن آسف
...
ما اقدرش أحارب ويّاك
أحسن أنا على وِشّ جواز

عايز اشوفلي يومين ف الدنيا

أبقى عريس
..
أفرح واتمتّع و أهِيص لكن حرب؟!!!
سلامُو عليكم... أنا مش فاضي"
++++++++
واحد تاني قال: "اسمحلي يا عَمّ صلاح
إني ما اروحش الحرب معاك

عندي عيال عايز اربّيهُم وانا غلبان

باقْطَع من جسمي وبادّيهُم

لو رُحت معاك -افرض يعنى
-
مين هيأكّلهم مِن بَعدي؟
مين -لو رُحت معاك- يراعيهُم؟

أنا عارف.. ربنا موجود

هوا اللي بيرزُق... مش إحنا

بس انا خايف

والبَرَكه ف باقي الرجاله

هُمّا يسدّوا بدالي هناك

وانا هادعيلكُم كل صلاه
"
++++++++
واحد تالت قال: "انا تاجِر
عندي المصنع والدكّان

ومشاغِل أشكال والوان

أبقى عبيط لو سِبت مصالحي وْجيت ويّاك

لكن هابقى معاكو بقلبي

++++++++
واحد رابع... واحد خامس...
سادس... سابع... عاشر...
ألف...
كل الناس قالوا: "آسْفين
رُوح وحدك يا صلاح الدين

أحسن إحنا مش فاضيين

لا لجيشك ولا لفلسطين

إيه يعنى أقصانا سجين؟

ما هو في السجن بَقَالُه سْنين

لو بالحرب هنُنصُر دِين
...
يِبقى خلاص ما احناش عايزين
إحنا هنقعد منتظرين

وهندعيلَك بالملايين: يا الله

إِبْعِد عنا صلاح الدين يا الله

إحنا بحالنا كده راضيين.. يا الله
..
++++++++
بعد ما قالوا كل كلامهم

بَصّ صلاح الدين بعينيه

مالقاش ولا واحد حواليه

يعمل إيه؟

الأرض انشقّت من تاني

علشان تاخدُه

مارضيش ينزل تحت الأرض

عايز يعمل حاجه ف بالُه

فوق "الأرض" غَيَّر لِبْسُه

ولِبِس زيّ شباب القُدس

نفْس الشكل ونفْس اللون كان متغاظ

من كل الناس اللي سابوه

جَمّع غِيظُه.. تحت هْدُومُه

ودخل وسط كلاب الأرض.. وفجَّر نفْسُه
...
علشان يفضل
زي ما هوا... صلاح الدين

لكن ساب في القدس رساله

بيقول فيها إنه حزين

علشان جيشُه ما كانش معاه

"
جيش حِطّين
"
و بيطلُب من كل الناس
اللي بيدْعُوا كل صلاه

لو طلبوه تاني ينصرهُم

لما يقولوا: "يا الله
..
رجَّع لينا صلاح الدين"
لازم يدعوا كمان و يقولوا: يا الله
عايزين جيشُه يكون ويّاه

علشان إحنا مش فاضيين

مش هَنْسِيب المال والجاه

مش هنسيب الدنيا الحلوه وْنِمشي وراه

يا الله
...
مش عايزينُه ييجي لوحْدُه
لازم جِيشُه يكون ويّاه

لازم جِيشُه
...
يكون...
ويّاه...
++++++++++++

انصروا اخوانكم فى فلسطين بالدعاء الصادق التبرع واعتقد انها امور بسيطة

هناك 24 تعليقًا:

♥نبع الغرام♥♪≈ يقول...

الله عليك ايه الكلام الجامد داااااااااااا

♥نبع الغرام♥♪≈ يقول...

بجد تسلم ايديك ربنا يكرمك يارب

♥نبع الغرام♥♪≈ يقول...

صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
"يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه...

♥نبع الغرام♥♪≈ يقول...

ااااااااااااااااااااااااااااااااااااااااااالله
توقفت أناملي عن الكتابه
وعجز لساني عن النطق
وتوقف المخ عن التفكير
لا يسعني الا ان اقول
لا تعليق

♥نبع الغرام♥♪≈ يقول...

جزاك الله الفردوس الأعلي علي هذا الطرح الرائع للموضوع
وبالفعل هذا هو حالنا
نسأل الله أن يخرج من بيننا صلاح الدين
ليحرر المسجد الأقصي الشريف من ايدي الغاصبين
اللهم أمين أمين أمين

حياه بلا عنوان يقول...

السلام عليكم ورحمه الله وبركاته
بجد يا محمد فعلا ده اللى بيحصل فى رمضان الجوامع بتكون مليانه جدا طول شهر رمضان والناس ماشاءالله بجد بيكون كويسين قوى والادعيه والبكاء كمان لكن بعد رمضان بتلقى كل واحد فى بيته ومحدش بينزل ولا اى حاجه
ربنا يجزى كل واحد خير
ويارب ارحم الجميع
تحياتى

رضوى يقول...

مشكور اخي علي تعليقك ويجزيك اللة خير الجزاء

yasmina يقول...

لا لا لا الكلام حقيقى يستاهل
بجد اكتر من رائع بجد وحقيقى

وبالرغم من انه كبير اوى بس محسيتشى خالص بملل او كدة خالص
والفضل طبعا لكلام واسلوب حضرتك
احييى حضرتك فعلا عليه

تحياتى
سلااااااام
اللهم انصر المسلمين فى كل مكان
اللهم امين

همس الاحساس يقول...

اخى محمد
\\
بجد المدونة رائعه
وكلماتك جميلة
ان شاء الله ندعو لاخواننا فى فلسطين
ربنا ينصرهم
ونصر الله قريب

\\
المدونة بجد رائعه جدا وعجبنى جدا الاستيل والتصميم رائع
وفيه اكتر من بوست عجبنى جدا
وان شاء الله هاكون صديقه لمدونتك
وشكرا على زيارتك مدونتى

هيفاء عبده يقول...

الاخ الكريم محمد ...
اولا.. وقبل كل شي مبروك للمدونة الجديدة
والله يبارك لك فيها وتنشر كل مفيد ..

ثانيا ..احي فيك حبك الكبير لأمك وتصدير وعدك لها في مقدمة المدونة
الله يبارك فيك وتفرح قلبها بتخرجك

ثالثاً..المدونة رائعه بمعنى الكلمة والمواضيع هادفة واسلوبك جميل في الكتابة

ولكن لي ملاحظة بسيطة ادا سمحت لي
كتابتك باللغة العربيه الفصحى اجمل بكثير من اللهجة العاميه
وخصوصا انك ماشاءالله من الواضح انك متمكن منها ولديك موسوعة جميلة من المفردات ..وياليت تثريها في الكتابة

قرأت لك كم موضوع ..ممتع واسلوبك مميز

ولي عودة لاستكمال القراءة

اتمنى لك كل التوفيق

م/ محمد صالح يقول...

عاشقة الاحزان
اولا ااسف للتأخير بس انت عارفة ظروف الدراسة
ثانيا انا سعيد جدا بكلامك وانا فعلا فرحان بمعرفتم وصحبتك الجميلة ادام الله بيننا الود ودمتى فى رعايه الله

م/ محمد صالح يقول...

حياة بلا عيون
شكرا على مرورك وتعليقك بس مش عارف بصراحة انا عندى احساس انك مقرأتيش البوست كله صح .؟
يمكن علشان كده ممكن فكرة البوست تكون موضحتش بالنسبه ليكى
بس على كل حال انا سعيد جدا لمرورك

م/ محمد صالح يقول...

رضوى
شكرا عللى المرور وان شاء الله تكون دى بداية لتواصل دائم ونورتينى بجد

م/ محمد صالح يقول...

yasmina
شكرا على كلامك يا قمر وربنا معاكى ويعينك فى الدراسة ويا رب دايما اسمع عنك خير

م/ محمد صالح يقول...

همس الاحساس
سعيد جدا بمرورك ولامك وان شاء الله تكرر الزيارات والتعليقات
ومنتظر منك دائما الجديد

م/ محمد صالح يقول...

هيفاء
اسعدنى جدا مرورك بجد وكمان كلامك
وبشكرك على مجاملاتك الرقيقة
وبالنسبة لملاحظتك فهى مقبولة ولكى كل الشكر

♥نبع الغرام♥♪≈ يقول...

ممممممممممممم

عامة ربنا معاك وان شاء الله متفوق بدراستك
بس بجد زعلانه قووى منك
لانى نزلت بوست وانت ماهنش عليك تدخل
هتقولى مش بتدخل نت هقولك لاء بتدخل وعلقت عن مدونة المحبه صح ولا انا غلطانه

واسفه لو كنت بفرض نفسى عليك وعامة براحتك انا اسفه

سلام

م/ محمد صالح يقول...

عاشقة الاحزان ( أنوسة )
بتتأسفى على ايه انا مقصر فى حقك يعنى المفروض انا اللى أتأسف وعلى العموم انا كتبتلك ردى عندك فى المدونة واتمنى انك تكونى قرأتيه وتقبلى عذرى

فكرة من الزمن ده يقول...

سعيدة جدا بزيارتك ليا لانها عرفتني على مدونة قلم متميز يكتب باحساس صادق
واحس ان الكلمات مش مجرد كلمات بالعكس مليانة اصوات وشجن والم وحزن على حالنا اللي انت صورته بمنتهى الدقة والانسيابية
ولا اخفي ان دموعي سبقتني في الكتابة ليك
حقيقي هو ده حال معظم لكن مش كل الناس
اللي عايز يدخل دنيا واللي بيصرف على ولاده وامه واخته
واللي رجل اعمال وامبراطور غير مستعد باهتزازها علشان خاطرة نصرة دين
حقيقي
انت لفت نظري لمعنى اول مرة فعلا هل لو رجع لنا صلاح الدين هانبقى سعدا بيه ونقول يالا نحرر فلسطين اكيد ناس كتير هاتتكشف انها كانت مجرد صوت بيردد زي البغبغان وخلاص

برغم من طول القصيدة الا انها حافظت على النغمة الداخلية ولم تفقدها
وقوة الكلام والمضمون اللي بيوصل
حقيقي حقيقي برافو برافو برافو

تحياتي

م/ محمد صالح يقول...

فكرة من الزمن ده
شكرا على مرورك وكلامك الجميل واتمنى ان تستمر بيننا المودة
واحب اقولك ان للأسف ده حال كتير من الناس مجرد ترديد لشعارات بيحاولو يخدعوا بيها الناس لكن وقت الجد متلقيش منهم حد

شفـقــة و إحســــان يقول...

الأخ / محمد صــالح

مبروك أولا المدونة الجديدة
اللي واضح انها هتعرفنا أكتر على انسان رائع

أول مرة أزورك
وأعترف إنها كانت صدفة
وده لتشابه الأسماء اللي بينا
حبيت أشوف مين اللي إسمه على إسمي ده
ولي الشرف أننا نحمل إسما واحدا
وأطمع أن يكون لنا فكرا وهدفا واحدا أيضا

المرادي زيارة سريعة وكانت بالصدفة
بس أوعدك إني هأرخم عليك هنا كتيييييير


تحياتي
محمـد صــالـح برضو

رضوى يقول...

شكرا لك علي الموضوعوالبوست جامد وصلاح الدين من الشخصيلت اللب بحبها جزاك اللة خير الجزاء

م/ محمد صالح يقول...

شفقة واحسان
نورت مدونتى المتواضعة واتمنى انها متكونش اخر زيارة
واهلا بيك كصديق دائم

م/ محمد صالح يقول...

رضوى
اشكرك على مرورك واتمنى ان يدوم بيننا الود